ХАЛЬЧ,

вёска ў Веткаўскім р-не Гомельскай вобл., на правым беразе р. Сож, на аўтадарозе Ветка—Гомель. Цэнтр сельсавета і калект. с.-г. унітарнага прадпрыемства. За 3 км на З ад г. Ветка, 19 км ад Гомеля. 1194 ж., 506 двароў (2002). Свята-Міхайлаўская царква. Брацкія магілы сав. воінаў. Помнік землякам, якія загінулі ў Вял. Айч. вайну. Помнік архітэктуры — сядзіба (канец 18 — пач. 19 ст.).

Вядомы з канца 16 ст. Належаў Халецкім. З 1772 у Рас. імперыі, мястэчка Веткаўскай вол. Гомельскага пав. Магілёўскай губ. У 1886—1072 ж., 173 двары, царква, яўр. школа, 3 ветракі, 85 крам, 2 кірмашы штогод. З 1926 у Веткаўскім р-не Гомельскай акругі (з 1938 у Гомельскай вобл.). У Вял. Айч. вайну ў вер. 1943 спалена ням. фашыстамі (знішчаны 463 двары). У 1962—65 у Гомельскім р-не.

т. 16, с. 534

Беларуская Энцыклапедыя (1996—2004, правапіс да 2008 г., часткова)