ХАЛЬКАГЕ́НЫ (ад грэч. chalkos медзь + ...ген),
хімічныя элементы VI гр. перыяд. сістэмы: кісларод, сера, селен, тэлур, палоній. Існуе шмат іх алатропных мадыфікацый. Акісляльнікі (найб. актыўны кісларод). З вадародам даюць халькагенавадароды (H2X). Утвараюць іонна-кавалентныя, кавалентна-метал. і кавалентна-іонныя злучэнні (халькагеніды) разнастайнага саставу, многія з якіх маюць паўправадніковыя ўласцівасці (селеніды, тэлурыды).
т. 16, с. 533
Беларуская Энцыклапедыя (1996—2004, правапіс да 2008 г., часткова)