ХАЛС (Hulse) Расел Алан (н. 28.11.1950, Нью-Йорк),

амерыканскі фізік і радыёастраном. Скончыў Масачусецкі ун-т (1975). З 1975 у Нац. радыёастр. абсерваторыі. З 1977 у Прынстанскай лабараторыі фізікі плазмы. Навук. працы па радыёастраноміі, камп’ютэрным мадэліраванні паводзін высокатэмпературнай плазмы ва ўстаноўках для кантралюемага тэрмаядз. сінтэзу. Адкрыў першы падвойны пульсар (з Дж.Тэйларам, 1974; радыётэлескоп абсерваторыі каля г. Арэсіба, Пуэрта-Рыка). Нобелеўская прэмія 1993 (з Тэйларам).

Тв.:

Рус. пер. — Открытие двойного пульсара // Успехи физ. наук. 1994. Т. 164, №7.

М.​М.​Касцюковіч.

Р.А.Халс.

т. 16, с. 532

Беларуская Энцыклапедыя (1996—2004, правапіс да 2008 г., часткова)