ХА́КСЛІ (Huxley) Андру Філдынг (н. 22.11.1917, Лондан),

англійскі вучоны ў галіне фізіялогіі і біяфізікі. Чл. Лонданскага каралеўскага т-ва (1955). Унук Т.Г.Гекслі. Скончыў Кембрыджскі ун-т (1938). З 1941 у Трыніты-каледжы г. Кембрыдж (у 1952—60 дэкан). З 1960 у каледжы ун-та Лондана. Навук. працы па праблемах нейрафізіялогіі. Даследаваў сінапсы нерв. валокнаў і фіз.-хім. змены пры перадачы нерв. імпульсу, іонныя механізмы ўзбуджэння і тармажэння ў нерв. сістэме. Стварыў тэорыю мышачнага скарачэння (1957). Нобелеўская прэмія 1963 (з А.Л.Ходжкінам і Дж.К.Эклсам).

В.​Ф.​Ермакоў.

А.Ф.Хакслі.

т. 16, с. 525

Беларуская Энцыклапедыя (1996—2004, правапіс да 2008 г., часткова)