ХА́БЕРЛАНД (Haberland) Крыстаф (хрышчаны 17.1.1750, Рыга — 19.3.1803),

латышскі архітэктар; прадстаўнік класіцызму. Вучыўся ў Берліне і Дрэздэне (1770—76). Сярод твораў: у Рызе — чатырохвугольная плошча з царквой Пятра і Паўла ў ансамблі цытадэлі (1780—86, з С.​Зеге), дамы Голендэра (1787), Крузе (1788) і інш., перабудова б. гар. б-кі ў Домскім манастыры (1778—87); цэрквы Яня ў Валку (1785), у Катлакалне пад Рыгай (1791—92).

т. 16, с. 515

Беларуская Энцыклапедыя (1996—2004, правапіс да 2008 г., часткова)