ТЭР’Я́Н Ваан (сапр. Тэр-Грыгар’ян Ваан Сукіясавіч; 9.2.1885, в. Гандзані, Грузія — 7.1.1920),

армянскі паэт і грамадскі дзеяч. Скончыў Лазараўскі ін-т усх. моў у Маскве (1906), вучыўся ў Пецярбургскім ун-це (1913—16). Друкаваўся з 1905. Першы зб. вершаў «Мроі сутоння» (1908). Аўтар цыклаў вершаў «Ноч і ўспаміны», «Залатая казка» (абодва 1912), «Краіна Наіры» (1915). Спачуваў абяздоленым, выказваў любоў да бацькаўшчыны. Лірыка Т. вызначаецца вытанчанасцю форм, багаццем рытмікі, музыкальнасцю. Удзельнічаў у заключэнні Брэсцкага міру 1918.

Тв.:

Рус. пер. — Стихотворения. Л., 1980.

Літ.:

Асмарян Л. Ваан Терьян. Ереван, 1971;

Григорьян К.Н. В.​Терьян. 2 изд. Л., 1985.

т. 16, с. 144

Беларуская Энцыклапедыя (1996—2004, правапіс да 2008 г., часткова)