ТЭРАФІ́ТЫ (ад грэч. theros лета + ...фіт),

аднагадовыя расліны, якія перажываюць неспрыяльны перыяд года ў выглядзе насення; адна з жыццёвых форм раслін. Пераважна травы міжземнаморскага паходжання, характэрныя для пустынь, стэпаў Паўн. паўшар’я (шматлікія крыжакветныя, макавыя і інш.). У флоры Беларусі — бусельнік цыкутавы, васілёк сіні, торбачнік палявы і інш.

т. 16, с. 133

Беларуская Энцыклапедыя (1996—2004, правапіс да 2008 г., часткова)