ТЭНТАКУЛІ́ТЫ (Tentaculita),

клас вымерлых малюскаў. 4 атр. Былі пашыраны ў морах сілурыйскага і дэвонскага перыядаў. На Беларусі рэшткі выяўлены ў адкладах дэвону ў межах Брэсцкай упадзіны, Жлобінскай седлавіны і Прыпяцкага прагіну.

Даўж. вапняковай ракавіны 3—7 см, дыям. да 6 мм. Ракавіна канічная, гладкая або кольчатая, адкрытая на шырокім канцы, дзе размяшчалася цела малюска. Па рэштках Т. вызначаюць узрост геал. адкладаў.

т. 16, с. 129

Беларуская Энцыклапедыя (1996—2004, правапіс да 2008 г., часткова)