ТЭ́МПЕРА (італьян. tempera ад temperare змешваць фарбы),

жывапіс фарбамі, у якіх сувязным рэчывам з’яўляюцца натуральныя (яйцо ці толькі яго жаўток, сокі раслін) або штучныя (водны раствор клею з алеем, алейным лакам і г.д.) эмульсіі. Вядома ў Стараж. Егіпце; у мастацтве сярэдневякоўя была асн. тэхнікай станковага (гл. Іканапіс), часам манум. жывапісу. На Беларусі ў 15—18 ст. яечнай Т. на дошках малявалі абразы, выкарыстоўвалі ў аздабленні драўлянай скульптуры, твораў дэкар.-прыкладнога мастацтва (царскія вароты і інш.). У сучасным мастацтве выкарыстоўваецца для стварэння станковых і дэкар. работ.

т. 16, с. 124

Беларуская Энцыклапедыя (1996—2004, правапіс да 2008 г., часткова)