ТЭКС (ад лац. texo тку, пляту),

пазасістэмная адзінка лінейнай шчыльнасці валокнаў або нітак. Т. роўны лінейнай шчыльнасці адпаведнага цела (валакна, ніткі і інш.), маса якога роўная 1 г, а даўж. 1 км. Абазначаецца тэкс. 1 тэкс = 1 г/км = 10​−6 кг/м. Метрычны нумар нітак N звязаны з Т. формулай N = 10​−3/тэкс (азначае даўж. 1 г нітак у метрах, напр., 1 г нітак № 40 мае даўжыню 40 м). Выкарыстоўваюцца таксама кратная адзінка кілатэкс (10​3 тэкс) і дольная адзінка мілітэкс (10​−3 тэкс).

т. 16, с. 107

Беларуская Энцыклапедыя (1996—2004, правапіс да 2008 г., часткова)