ТЭ́КЛІЦ,
возера ў Лепельскім р-не Віцебскай вобл., у бас. р. Сергуч (выцякае з возера), за 13 км на ПнЗ ад г. Лепель. Пл. 2 км², даўж. 2 км, найб. шыр. 1,3 км, найб. глыб. 3,2 м, даўж. берагавой лініі 5,5 км, пл. вадазбору 32,9 км². Катлавіна рэшткавага тыпу. Схілы выш. 3—8 м (на У да 10 м), пад лесам, участкамі разараныя. Берагі пераважна нізкія, пясчаныя, месцамі забалочаныя, пад лесам і хмызняком, на Пд сплавінныя. Дно плоскае, сапрапелістае, уздоўж берагоў да глыб. 0,5 м пясчанае. Моцна зарастае. Упадаюць 2 ручаі, у т. л. з воз. Луконец. Возера зарыблялася сярэбраным карасём.
т. 16, с. 107
Беларуская Энцыклапедыя (1996—2004, правапіс да 2008 г., часткова)