ТЭЙТЭЛЬБО́ЙМ (Teitelboim) Валодзя (н. 19.3.1916, г. Чыльян, Чылі),
чылійскі пісьменнік, грамадскі дзеяч. Скончыў юрыдычны ф-т ун-та Чылі (1938). У 1961—65 чл. палаты дэпутатаў, з 1965 сенатар. З 1973 у эміграцыі. Дэбютаваў гіст. нарысам «Заранак капіталізму і заваяванне Амерыкі» (1943). У раманах «Сын салетры» (1952), «Насенне на пяску» (1957), «Унутраная вайна» (1979) тэмы рабочага руху, існавання людзей ва ўмовах канцлагера, супрацьстаяння чылійцаў дыктатуры. Аўтар літ.-крытычных прац «Чалавек і чалавек» (1969, з гісторыі рус. і сав. л-ры), «Нэруда» (1984), публіцыстыкі, у т. л. кн. «Чылі: барацьба працягваецца» (1976).
Тв.:
Рус. пер. — Семя на песке. М., 1959;
Снова о событиях в Чили. М., 1977;
Чили: борьба продолжается. М., 1979;
Внутренняя война. М., 1982;
Неруда. М., 1988.
Літ.:
Кутейщикова В.Н. Роман Латинской Америки в XX в. М., 1964.
Е.А.Лявонава.
т. 16, с. 106
Беларуская Энцыклапедыя (1996—2004, правапіс да 2008 г., часткова)