ТЭАДАРА́КІС (Theodōrakēs) Mikic (н. 29.7.1925, в-аў Хіяс, Грэцыя),
грэчаскі кампазітар. Скончыў Афінскую кансерваторыю (1950). У 2-ю сусв. вайну удзельнік руху Супраціўлення. Аўтар твораў буйных форм: оперы «Песня загінуўшага брата» (паст. 1962), «Квартал анёлаў» (паст. 1965), «Костас Карыятатыс» (паст. 1986); балеты «Арфей і Эўрыдыка», «Каханкі з Тэруэля» (абодва 1958), «Антыгона» (1959) і інш.; тв. для сімф. арк., вак. цыклы і танцы, песні, музыка да кінафільмаў і спектакляў. Аўтар кніг «Пра навагрэчаскую музыку» (1961), «Анатомія музыкі» (1983), аўтабіяграфіі «Шляхі архангела» (т. 1—4, 1986). Міжнар. Ленінская прэмія «За ўмацаванне міру паміж народамі» 1983.
т. 16, с. 88
Беларуская Энцыклапедыя (1996—2004, правапіс да 2008 г., часткова)