ТЫЯФЕНО́Л, фенілмеркаптан, меркаптабензол,

найпрасцейшы з тыяфенолаў, C6H5SH.

Бясколерная вадкасць з непрыемным пахам. tкіп 168,7 °C), шчыльн. 1076,6 кг/м³ (20 °C). У паветры павольна акісляецца да дыфенілдысульфіду. Атрымліваюць узаемадзеяннем серы з фенілмагнійбрамідам C6H5MgBr або аднаўленнем бензолсульфахларыду C6H5SO2Cl цынкам у салянай кіслаце. Выкарыстоўваюць у сінтэзе фарбавальнікаў, палімераў, інгібітараў радыкальных рэакцый (пры награванні ў вадкай або газавай фазе генерыруе радыкал C6H5S ), стабілізатараў і інш. дабавак для сінт. каўчукоў. Таксічны. ГДК 2—5 мг/м³.

т. 16, с. 88

Беларуская Энцыклапедыя (1996—2004, правапіс да 2008 г., часткова)