ТЫ́ЛБЕРГ, Тыльбергс (Tübergs, Tillbergs) Яніс (2.7.1880, Рыга — 7.11.1972), латвійскі мастак. Нар. маст. Латвіі (1955). Вучыўся ў Пецярбургскай АМ (1901—09). У 1911—15 выкладаў у Рыжскай гар. маст. школе, у 1918—19 у Нар. маст. школе ў Віцебску, у 1921—32, 1947—57 праф. у АМ у Рызе. Працаваў пераважна ў жанры партрэта. Творам уласцівы дакладнасць малюнка і перадача пластыкі цела чалавека, імкненне да манахромнасці. Сярод твораў партрэты К.Ліндэ (1923), Я.Райніса (1925), Э.Смілгіса (1949), аўтапартрэт (1951), «Каўгурцы» (1957). Выканаў ілюстрацыі да рамана «Зямля зялёная» А.Упіта (1948).
Літ.:
Сидорова В.А. Я.Тильберг. М., 1952.
С.У.Пешын.
т. 16, с. 73
Беларуская Энцыклапедыя (1996—2004, правапіс да 2008 г., часткова)