«ТУТЭ́ЙШЫЯ»,

добраахвотнае т-ва маладых бел. літаратараў у 1987—90. Аб’ядноўвала каля 80 чал., якія ўдзельнічалі ў мерапрыемствах у падтрымку бел. культуры, мовы, у экалаг. акцыях. «Т.» наладзілі выпуск самавыдавецкага бюлетэня «Кантроль», друкавалі літ. старонкі ў газ. «Літаратура і мастацтва», «Чырвоная змена», праводзілі літ. вечарыны і інш. Творы членаў т-ва сабраны ў зб. «Тутэйшыя»; Творчасць сяброў таварыства» (1989).

т. 16, с. 64

Беларуская Энцыклапедыя (1996—2004, правапіс да 2008 г., часткова)