ТРЭ́СІ, Трэйсі (Tracy) Спенсер (5.4.1900, г. Мілуокі, ЗША — 10.6.1967), амерыканскі кінаакцёр. Скончыў Амер. акадэмію драм. мастацтва. З 1922 у т-ры, з 1930 у кіно. Стварыў псіхал. тонкія вобразы «простых амерыканцаў». Зняўся ў фільмах «Адважныя капітаны» і «Горад хлопчыкаў» (прэмія «Оскар» адпаведна 1937 і 1938). Лепшыя ролі ў фільмах рэж. С.Крамера: «Пажнеш буру», «Нюрнбергскі працэс», «Гэты шалёны, шалёны, шалёны, шалёны свет», «Адгадай, хто прыйдзе да абеду»; таксама ў фільмах «Ярасць», «Сёмы крыж», «Пэт і Майк», «Стары і мора» і інш.
т. 16, с. 16
Беларуская Энцыклапедыя (1996—2004, правапіс да 2008 г., часткова)