ТРЭМАТАДО́ЗЫ,

гельмінтозныя хваробы жывёл і чалавека, якія выклікаюцца трэматодамі. Заражэнне адбываецца праз ежу, ваду. Палаваспелыя трэматоды пашкоджваюць жоўцевыдзяляльную сістэму (гл. Апістархоз, Дыкрацэліёз), кішэчнік. Прыкметы залежаць ад віду паразіта, стадый яго развіцця, лакалізацыі ў арганізме гаспадара і інш. Лячэнне тэрапеўтычнае. У жывёл выклікаюць затрымку развіцця, значны падзеж, пагаршэнне якасці мяса.

т. 16, с. 14

Беларуская Энцыклапедыя (1996—2004, правапіс да 2008 г., часткова)