ТРУШКО́ Леанід Ігнатавіч (н. 4.3.1938, г. Орша Віцебскай вобл.),

бел. акцёр. Нар. арт. Беларусі (1996). У 1967—99 акцёр Бел. т-ра імя Я.​Коласа. Мастацтва Т. адметнае глыбінёй псіхал. распрацоўкі, быт. дакладнасцю, ідэйнай мэтанакіраванасцю вобразаў. Лепшыя ролі: Гапон («Залёты» В.​Дуніна-Марцінкевіча), Дзерваед, Андрэй Буслай і Бацька («Радавыя», «Парог» А.​Дударава), Сырадоеў («Трыбунал» А.​Макаёнка), Салавейчык («Амністыя» М.​Матукоўскага), Мацей («Несцерка» В.​Вольскага), Мікіта («Улада цемры» Л.​Талстога), Шохін, Цецераў («Зыкавы», «Мяшчане» М.​Горкага), Лір («Кароль Лір» У.​Шэкспіра), Эйліф («Матухна Кураж і яе дзеці» Б.​Брэхта), Абель («Сола для гадзінніка з боем» О.​Заградніка), Похрань («Гісторыя граху» паводле С.​Жаромскага), Дзятлаў («Трэцяя патэтычная» М.​Пагодзіна), Лагуцін («Сталявары» Г.​Бокарава), Максім («Стары дом» А.​Казанцава), Пятрэнка («Зінуля» А.​Тельмана), герцаг Веронскі («Чума на вашы дзве сям’і» Р.​Горына). З інш. роляў: Дарафей («Званы Віцебска» У.​Караткевіча), Лапахін («Вішнёвы сад» А.​Чэхава), смалакур Алялюмас («Час быка» («Клеменс») К.​Саі], Міларад («Доктар філасофіі» Б.​Нушыча), Кэбат («Каханне пад вязамі» Ю.​О’Ніла).

В.​С.​Іваноўскі.

Л.І Трушко.
Л.Трушко ў ролі Дзерваеда.

т. 15, с. 541

Беларуская Энцыклапедыя (1996—2004, правапіс да 2008 г., часткова)