ТРАХІКА́РПУС (Trachycarpus),

род кветкавых раслін сям. пальмаў. 8 відаў. Пашыраны ў Паўд.-Усх. Азіі і Гімалаях. Культывуюць холадаўстойлівыя пальмы Т. Форчуна (T. fortunei) і Мартыуса (T. martianus).

Дрэвападобныя расліны выш. да 20 м, ствол дыяметрам да 20 см. укрыты карычнева-бурымі валокнамі, на верхавінцы — пучок вял. веерападобнага лісця (каля 30). Кветкі у буйных галінастых пазушных суквеццях даўж. да 1 м. Плод — касцянка. З лісця атрымліваюць валокны для вырабу цыновак, грубых тканін, шчотак і інш. Тэхн. і дэкар. расліны.

Трахікарпус Форчуна.

т. 15, с. 522

Беларуская Энцыклапедыя (1996—2004, правапіс да 2008 г., часткова)