ТРАЛ (ад англ. trawl),

1) рыбалоўны — мешкападобная сетка, што буксіруецца рыбалоўным суднам (траўлерам) з дапамогай тросаў (ваераў); найб. пашыраны сродак лоўлі марской рыбы.

2) Гідралагічны Т. — прыстасаванне, якім знаходзяць падводныя перашкоды. Пры зачапленні Т. за перашкоду дзейнічае аўтам. механізм, з дапамогай якога над перашкодай ставіцца спец. навігацыйны знак (вяха).

3) Мінны Т. — спец. прыстасаванне для выяўлення і знішчэння мін (гл. Тральшчык).

Схема рыбалоўнага трала: 1 — ваер; 2 — распорны шчыт; 3 — кабель; 4 — бабінец; 5 — цэнтральная частка трала.

т. 15, с. 502

Беларуская Энцыклапедыя (1996—2004, правапіс да 2008 г., часткова)