ТА́ПТЫ,

рака ў Індыі. Даўж. 720 км, пл. бас. 88 тыс. км². Вытокі ў гарах Сатпура, цячэ ў глыбокай даліне па паўн.-зах. ч. Дэканскага пласкагор’я, упадае ў Камбейскі зал. Аравійскага м., утварае эстуарый. Рэжым мусонны. Сярэдні расход вады каля 650 м³/с. Выкарыстоўваецца для арашэння. Суднаходная на 50 км ад вусця. На Т. — г. Бурханпур, у эстуарыі — марскі порт Сурат.

т. 15, с. 432

Беларуская Энцыклапедыя (1996—2004, правапіс да 2008 г., часткова)