ТАКАФЕРО́ЛЫ (ад грэч. tokos прыплод, патомства + phero нясу + лац. oleum алей),

вітамін E, група метыльных вытворных (α, β, γ, δ) таколу; адзін з тлушчарастваральных вітамінаў.

Т. — алеі светла-жоўтага колеру, нерастваральныя ў вадзе, добра раствараюцца ў арган. растваральніках, Малекулярная маса α-Т. (найб. біялагічна актыўны) 430,7, tпл. 2,5—3,5 °C. Пашыраны ў прыродзе гал. чынам у зерні пшаніцы і рысу, алеях (сланечнікавым, кукурузным і. інш.), таксама ў салаце, шпінаце. Жывёлы і чалавек атрымліваюць Т. з ежай. З’яўляюцца антыаксідантамі. Забяспечваюць стабільнасць клетачных і субклетачных мембран. эфектыўнасць тканкавага дыхання і інш. Недахоп Т. прыводзіць да бясплоддзя, мышачнай дыстрафіі, некрозу печані і інш. Патрэба чалавека 10—20 мг α-Т. у суткі.

І.​М.​Семяненя.

т. 15, с. 393

Беларуская Энцыклапедыя (1996—2004, правапіс да 2008 г., часткова)