Verbum

САПРЫ́КА (Ганна Іосіфаўна) (16.6.1911, в. Куркаўшчына Мсціслаўскага р-на Магілёўскай вобл. — 14.5.1962),

бел. пісьменніца. Скончыла Мсціслаўскі пед. тэхнікум (1930), Бел. вышэйшы пед. ін-т (1933). Працавала ў Бел. дзярж. выд-ве. Друкавалася з 1926. Аўтар кнігі прозы «Калі ў сэрцы вясна» (1959). На бел. мову пераклала творы М.​Вірты «Мой памочнік Карсыбек», В.​Авечкіна «Раённыя будні» (з М.​Герасімовіч), Я.​Галана «З крыжом ці з нажом», А.​Макаранкі «Педагагічная паэма» і інш.

т. 14, с. 173