Verbum

САЛО́НГА (Salonga),

нацыянальны парк у Конга (Дэмакр. Рэспубліка Конга), у даліне р. Салонга (бас. р. Рукі, левы прыток р. Конга). Засн. ў 1970. Пл. 3,6 млн. га. Ландшафты з экватарыяльных забалочаных, прырэчных і сухіх лясоў, участкі злакавай расліннасці. У фауне мартышкі, слон (у т. л. карлікавая форма), карлікавыя буйвал (аноа) і шымпанзэ (банабо), антылопы, кракадзілы, вадаплаўныя птушкі.

т. 14, с. 114