Verbum

«РУНЬ»,

ілюстраваны літ.-мастацкі часопіс бел. гімназійнай моладзі. Выходзіў у лютым—вер. 1923 у Вільні на бел. мове пры падтрымцы Пед. рады Віленскай бел. гімназіі і Л.​Родзевіча. Апублікаваў вершы А.​Салагуба, Х.​Ільяшэвіча, П.​Касцюкевіча, Ч.​Ханяўкі, апавяд. А.​Парфёнава «Мікітаў француз», замалёўкі ў прозе В.​Каравайскага, нар. песні, загадкі, прыказкі, сабраныя Салагубам у в. Зарудзічы Ашмянскага пав. Змясціў графічныя партрэты Родзевіча, А.​Неканды-Трэпкі, І.​Катовіча, створаныя мастаком Р.​Семашкевічам. Выйшлі 3 нумары.

А.​С.​Ліс.

т. 13, с. 451