Verbum

РАХЛЕ́НКА (Валянціна Леанідаўна) (н. 4.3.1931, г. Гомель),

бел. піяністка. Засл. дз. мастацтваў Беларусі (1995). Дачка Л.​Р.​Рахленкі і Л.​І.​Ржэцкай. Скончыла Бел. кансерваторыю (1954, кл. Р.​Шаршэўскага), БДУ (1955). З 1958 выкладае ў Бел. акадэміі музыкі (з 1989 праф.). Яе майстэрства найб. выявілася ў выкананні твораў В.​А.​Моцарта, Ф.​Шапэна, Р.​Шумана, С.​Пракоф’ева. Адна са стваральніц фартэпіяннай школы Беларусі. Сярод вучняў Дз.​Марозаў, І.​Юркоўская, А.​Пятроў.

Л.​А.​Шымановіч.

т. 13, с. 380