ЛУЗГІ́Н (Аляксей Андрэевіч) (1.2.1920, в. Загараддзе Талачынскага р-на Віцебскай вобл. — 10.1.1977),
Герой Сав. Саюза (1946). Скончыў Тамбоўскую ваен.авіяц. школу пілотаў (1941). У Чырв. Арміі з 1939. У Вял.Айч. вайну з 1943 на Цэнтр., 1-м Укр. франтах. Камандзір звяна развед.авіяц. палка лейтэнант Л. зрабіў 106 баявых вылетаў, правёў 32 паветр. баі, зняў 160 фільмаў, з якіх зманціравана 275 фотасхем і 450 фотапланшэтаў; паводле звестак яго аэрафотаразведкі на аэрадроме ў Палтаве і інш. палявых пляцоўках знішчана 320 самалётаў праціўніка. Да 1960 у Сав. Арміі.
