Verbum

бум³, выкл. (разм.).

Ужыв. для абазначэння характэрнага глухога гуку вялікага звона, стрэлу з гарматы і пад.

вадака́чка, -і, ДМ -чцы, мн. -і, -чак, ж.

Спецыяльнае збудаванне з помпамі для падачы вады.

валёнкі, -нак і -нкаў, адз. валёнак, -нка, м.

Зімовы абутак з воўны, звалены ў выглядзе ботаў.

валу́й, -я́, мн. -і́, -ёў, м.

Жаўтавата-белага колеру грыб сямейства сыраежкавых з увагнутай ліпкай шапкай.

вастрано́сы, -ая, -ае.

З вострым вузкім носам (пра жывых істот і прадметы).

В. хлапчук.

Вастраносыя чаравікі.

вельве́т, -у, М -ве́це, м.

Баваўняная рубчастая тканіна з густым кароткім ворсам.

|| прым. вельве́тавы, -ая, -ае.

візіцёр, -а, мн. -ы, -аў, м.

Той, хто прыходзіць з візітам.

|| прым. візіцёрскі, -ая, -ае (разм.).

віхля́цца, -я́юся, -я́ешся, -я́ецца; незак. (разм.).

Рухацца, хістаючыся з боку ў бок.

В. пад цяжарам ношы.

вогнепакло́нства, -а, н.

Культ агню як адна з форм першабытнага абагаўлення прыроды.

|| прым. вогнепакло́нніцкі, -ая, -ае.

вундэркі́нд, -а, М -дзе, мн. -ы, -аў, м.

Дзіця з надзвычайнымі здольнасцямі.

|| прым. вундэркі́ндаўскі, -ая, -ае.