Verbum

плюга́вы, -ая, -ае (разм., пагард.).

Мізэрны, худы, нікчэмны з выгляду.

|| наз. плюга́васць, -і, ж.

по́плеч, прысл.

У непасрэднай блізкасці з кім-н., плячо ў плячо, поруч.

Ісці п.

прагімна́зія, -і, мн. -і, -зій, ж. (уст.).

Няпоўная (з чатырох- або шасцікласным курсам) гімназія.

пранікне́нне, -я, н.

1. гл. пранікнуць.

2. Пранікнёнасць, глыбокая шчырасць (кніжн.).

Гаварыць з пранікненнем.

прапашны́, -а́я, -о́е.

Які сеецца радамі, з шырокімі міжраддзямі для зручнай апрацоўкі.

Прапашныя культуры.

прафнепрыго́днасць, -і, ж.

Скарачэнне: прафесійная непрыгоднасць.

Вызваліць каго-н. ад працы з-за прафнепрыгоднасці.

про́сінь, -і, ж. (разм.).

Сіні прасвет у афарбоўцы чаго-н.

Вочы шэрыя з просінню.

нага́н, -а, мн. -ы, -аў, м.

Рэвальвер з рухомым барабанам.

|| прым. нага́нны, -ая, -ае.

на-гара́, прысл. (спец.).

У шахцёраў: з шахты на паверхню зямлі.

Выдаць вугаль н.

надхма́р’е, -я, н.

Прастора над хмарамі.

Выглянуў месяц з надхмар’я.

|| прым. надхма́рны, -ая, -ае.