Verbum

страта...

Першая састаўная частка складаных слоў, якая адпавядае па значэнню слову «стратасфера», напрыклад: стратанаўт, стратаплан, стратастат.

стэрэа...

Першая састаўная частка складаных слоў, якая адпавядае па значэнню слову «стэрэаскапічны», напрыклад: стэрэагук, стэрэарама, стэрэатэлевізар.

[Ад грэч. stereos — цвёрды; прасторавы, аб’ёмны.]

трактара...

Першая састаўная частка складаных слоў, якая адпавядае па значэнню словам «трактар», «трактарны», напрыклад: трактарарамонтны, трактаразборачны.

фера...

Першая састаўная частка складаных слоў, якая адпавядае па значэнню слову «жалеза», напрыклад: феравальфрам, фераалюміній, ферахром.

[Лац. ferrum — жалеза.]

фільма...

Першая састаўная частка складаных слоў, якая адпавядае па значэнню слову «фільм», «фільмавы», напрыклад: фільмафонд, фільмасховішча.

фона... (а таксама фана...).

Першая састаўная частка складаных слоў, якая ўносіць значэнне «гук», «голас», напрыклад: фонакардыяграма.

[Ад грэч. phōnē — гук.]

хім...

Першая састаўная частка складаных слоў, якая адпавядае па значэнню слову «хімічны», напрыклад: хімкамбінат, хімсыравіна, хімчыстка.

што...

Першая састаўная частка складаных слоў, якая адпавядае па значэнню слову «кожны», напрыклад: штовячэрні, штомесячны, штотыднёвы.

эканом...

Першая састаўная частка складаных слоў, якая адпавядае па значэнню слову «эканамічны», напрыклад: эканомпалітыка, эканомсавет, эканомсектар.

экза...

Першая састаўная частка складаных слоў, якая адпавядае па значэнню слову «знешні», «вонкавы», напрыклад: экзасфера, экзадэрма.

[Ад грэч. éxō — па-за, звонку.]