Verbum

падэспа́нь, ‑я, м.

Бальны танец трохдольнага размеру, а таксама музыка да гэтага танца.

[Фр. pas d'Espagne.]

па-дэ-дэ́, нескл., н.

Від парнага танца, а таксама музыка да яго.

[Фр. pas de deux — танец удваіх ад pax — крок, танец і deux — два.]

хабанэ́ра, ‑ы, ж.

1. Кубінскі народны танец, пашыраны ў Іспаніі і Лацінскай Амерыцы, а таксама музыка да гэтага танца. Танцаваць хабанэру.

2. Музычны твор у стылі гэтага танца. Хабанэра з оперы Бізэ «Кармэн». Хабанэра для фартэпіяна Шабрые.

[Ісп. habanera.]

гаво́т, ‑а, М ‑воце, м.

Старадаўні французскі танец, а таксама музыка да гэтага танца.

[Фр. gavotte.]

гапа́к, ‑а, м.

Украінскі народны танец, а таксама музыка да гэтага танца. Танцаваць гапака.

харэагра́фія, ‑і, ж.

Мастацтва танца. Беларуская нацыянальная харэаграфія. // Мастацтва пастаноўкі танцаў і балетных спектакляў.

[Ад грэч. choréia — танец і graphō — пішу.]

экасе́з, ‑а, м.

Шатландскі народны танец тыпу кадрылі, а таксама музыка да гэтага танца.

[Фр. écossaise — ад écossais — шатландскі.]

крыжачо́к, ‑чка, м.

Беларускі народны танец у двухдольным размеры, а таксама музыка да гэтага танца.

джы́га, ‑і, ДМ джызе, ж.

Нацыянальны ірландскі танец, а таксама музыка да гэтага танца.

[Англ. jig.]