Verbum

многагало́сы, -ая, -ае.

1. Які адносіцца да многагалосся (у 1 знач.).

М. песенны лад.

2. Які складаецца з многіх галасоў, якія бязладна гучаць.

М. шум натоўпу.

многаметро́вы, -ая, -ае.

Працягласцю на многа метраў.

Многаметровая сенажаць.

многамільё́нны, -ая, -ае.

Колькасцю, коштам у многа мільёнаў.

М. даход.

многанацыяна́льны, -ая, -ае.

Які складаецца з многіх нацый, народнасцей.

Многанацыянальная дзяржава.

многасеры́йны, -ая, -ае.

Які складаецца з некалькіх або многіх серый.

М. фільм.

многастано́чны, -ая, -ае.

Звязаны з адначасовай работай на некалькіх станках.

многаступе́нны, -ая, -ае.

Які праходзіць рад ступеней або адбываецца па ступенях, перыядах.

Многаступенныя выбары.

|| наз. многаступе́ннасць, -і, ж.

многаступе́ньчаты, -ая, -ае.

Які складаецца з некалькіх частак, ступеней.

Многаступеньчатая ракета.

|| наз. многаступе́ньчатасць, -і, ж.

многасяме́йны, -ая, -ае.

Які мае вялікую сям’ю; мнагадзетны.

|| наз. многасяме́йнасць, -і, ж.

многаўла́ддзе, -я, н.

Адначасовае існаванне некалькіх органаў кіравання, якія выконваюць аднолькавую функцыю; адсутнасць адзінага кіраўніцтва.