Verbum

пазме́нны, ‑ая, ‑ае.

Які адбываецца па зменах (у 2 знач.). Пазменная праца. Пазменнае дзяжурства.

пампалі́т, ‑а, М ‑ліце, м.

Памочнік (камандзіра, начальніка) па палітычнай частцы (да 1942 г.).

панцёр, ‑а, м.

У картачных гульнях — той, хто панціруе. Панцёры па чарзе называлі стаўкі.

паправе́ць, ‑ею, ‑ееш, ‑ее; зак.

Стаць больш правым па сваіх палітычных поглядах і перакананнях.

параённы, ‑ая, ‑ае.

Які праводзіцца, робіцца па раёнах. Параённая спецыялізацыя. Параённы ўлік пасяўной плошчы.

пена́льці, нескл., м.

У футболе — штрафны ўдар па варотах праціўніка з адлегласці 11 метраў.

[Англ. penalty.]

перагаво́рны, ‑ая, ‑ае.

Прызначаны для размовы (па тэлефоне і пад.). Перагаворны пункт тэлефоннай станцыі.

перыскапі́чны, ‑ая, ‑ае.

Які мае адносіны да перыскопа. // Пабудаваны па прынцыпу перыскопа. Перыскапічная антэна.

пражэктары́ст, ‑а, М ‑сце, м.

Спецыяліст па рабоце з пражэктарам; той, хто абслугоўвае пражэктар.

прасно́ўдацца, ‑аюся, ‑аешся, ‑аецца; зак.

Разм. Сноўдацца некаторы час. Прасноўдацца па хаце ўвесь вечар.