Verbum

месяцахо́д, ‑а, м.

Касмічны самаходны апарат, які рухаецца па паверхні Месяца.

добрасусе́дства, ‑а, н.

Дружалюбныя адносіны паміж суседзямі. Жыць па прынцыпу добрасуседства.

дыза́йнер, ‑а, м.

Спецыяліст па мастацкаму праектаванню прамысловых вырабаў; мастак-канструктар.

дэбі́льны, ‑ая, ‑ае.

Псіхічна непаўнацэнны, разумова адсталы па прыродзе. Дэбільнае дзіця.

міжнаро́днік, ‑а, м.

Разм. Спецыяліст па пытаннях міжнароднага права, міжнароднай палітыкі.

мікралітра́жны, ‑ая, ‑ае.

Вельмі малы па літражу, меншы малалітражнага. Мікралітражны аўтамабіль.

насці́льшчык, ‑а, м.

Рабочы, спецыяліст па насціланню чаго‑н. Насцільшчык пуці.

паа́ркушны, ‑ая, ‑ае.

Такі, колькасць якога вылічваецца па аркушах. Пааркушны ганарар.

падкамі́сія, ‑і, ж.

Частка камісіі з абмежаванымі паўнамоцтвамі. Падкамісія па раззбраенню.

падыхо́дны, ‑ая, ‑ае.

Такі, па якому падыходзяць куды‑н. Падыходная траншэя.