Verbum

астро́граф, ‑а, м.

Астранамічны прыбор для фатаграфавання нябесных аб’ектаў.

[Ад грэч. astron — зорка і grapho — пішу.]

аўтадыспе́тчар, ‑а, м.

Аўтаматычнае прыстасаванне для выканання функцый дыспетчара.

аўтазапра́ўшчык, ‑а, м.

Аўтаматычнае прыстасаванне для запраўкі аўтамабіляў гаручым.

аўтазбо́рачны, ‑ая, ‑ае.

Прызначаны для зборкі аўтамабіляў. Аўтазборачны цэх.

аўтацяга́ч, ‑а, м.

Аўтамабіль для буксіроўкі прычэпаў і паўпрычэпаў.

ватме́тр, ‑а, м.

Прылада для вымярэння магутнасці электрычнага току.

ватэрмашы́на, ‑ы, ж.

Машына для прадзення бавоўны, ільну, воўны.

[Англ. water-machine.]

ватэрпа́с, ‑а, м.

Прылада для праверкі гарызантальных плоскасцей; грунтвага.

[Гал. waterpas.]

велатрэ́к, ‑а, м.

Спецыяльная веласіпедная дарожка для гоначных спаборніцтваў.

[Ад вела... і англ. track — дарожка.]

вертадро́м, ‑а, м.

Пляцоўка для ўзлёту і пасадкі верталётаў.