Verbum

расста́йны, -ая, -ае.

У паэзіі: які мае адносіны да расстання, звязаны з раставаннем.

Расстайныя дарогі.

рассы́пісты, -ая, -ае.

Які лёгка рассыпаецца на крупінкі, крошкі.

Рассыпістая бульба.

|| наз. рассы́пістасць, -і, ж.

робата...

Першая частка складаных слоў са знач.: які мае адносіны да робата, напр.: робатабудаванне, робататэхніка.

рознапляме́нны, -ая, -ае.

Неаднародны па племянной, этнічнай прыналежнасці, які складаецца з розных плямён.

Рознапляменнае насельніцтва.

рознастаро́нні, -яя, -яе.

У матэматыцы: які мае неаднолькавыя стораны.

Р. трохвугольнік.

|| наз. рознастаро́ннасць, -і, ж.

рэйкапрака́тны, -ая, -ае.

Які мае адносіны да вырабу рэек² (у 1 знач.) пракаткай.

Р. завод.

пнеўматы́чны, -ая, -ае.

Які прыводзіцца ў рух пры дапамозе сціснутага паветра.

П. молат.

Пнеўматычная помпа.

прагалада́ць, -а́ю, -а́еш, -а́е; зак.

Прабыць які-н. час галадаючы, без ежы.

Давялося дзень п.

прадрукава́ць, -ку́ю, -ку́еш, -ку́е; -ку́й; зак.

Правесці які-н. час друкуючы.

Давялося п. дзве гадзіны.

прако́ўзацца, -аюся, -аешся, -аецца; зак. (разм.).

Правесці які-н. час коўзаючыся.

Паўдня пракоўзаўся на каньках.