Verbum

папрыстаўля́ць, -я́ю, -я́еш, -я́е; зак.

1. што. Прыставіць, прысланіць да каго-, чаго-н. усё, многае.

П. жэрдзе да страхі.

2. каго (што). Прызначыць быць дзе-н., каля каго-н. — пра ўсіх, многіх.

П. вартавых да затрыманых.

папрыстро́чваць, -аю, -аеш, -ае; -аны; зак., што.

Прыстрачыць што-н. у многіх месцах, прыстрачыць усё, многае.

П. кішэні.

папрысыла́ць, -а́ю, -а́еш, -а́е; зак., каго-што.

Прыслаць усё, многае або ўсіх, многіх.

П. маладых спецыялістаў у гаспадаркі раёна.

папрысыха́ць, 1 і 2 ас. не ўжыв., -а́е; зак.

Прысохнуць да чаго-н. — пра ўсё, многае, прысохнуць у многіх месцах.

Гразь папрысыхала да калёс.

папрыхо́дзіць, 1 і 2 ас. адз. не ўжыв., -дзіць; -дзім, -дзіце, -дзяць; зак.

Прыйсці, прыбыць куды-н. — пра ўсіх, многіх ці ўсё, многае.

Цягнікі ўсе папрыходзілі ў тэрмін.

папрыціха́ць, 1 і 2 ас. адз. не ўжыв., -а́е; -а́ем, -а́еце, -а́юць; зак.

Прыціхнуць — пра ўсіх, многіх.

папрычэ́пліваць, -аю, -аеш, -ае; -аны і папрычапля́ць, -я́ю, -я́еш, -я́е; -я́ны; зак., што.

Прычапіць усё, многае.

П. шторы да карнізаў.

папрышпі́льваць, -аю, -аеш, -ае; -аны; зак., што.

Прышпіліць што-н. у многіх месцах, прышпіліць усё, многае.

папрышыва́ць, -а́ю, -а́еш, -а́е; -а́ны; зак., што.

Прышыць усё, многае, прышыць што-н. у многіх месцах.

П. гузікі.

папрыязджа́ць, 1 і 2 ас. адз. не ўжыв., -а́е; -а́ем, -а́еце, -а́юць; зак.

Прыехаць, з’ехацца куды-н. — пра ўсіх, многіх.

Сваякі папрыязджалі ў госці.