Verbum

павыскраба́ць, -а́ю, -а́еш, -а́е; -а́ны і павыскрэ́бваць, -аю, -аеш, -ае; -аны; зак., што.

Выскрабці ўсё, многае або ў многіх месцах.

П. кашу з гаршкоў.

П. плямы вапны на падлозе.

павыскуба́ць, -а́ю, -а́еш, -а́е; -а́ны і павыску́бваць, -аю, -аеш, -ае; -аны; зак., што.

Выскубці адно за адным усё, многае.

П. пер’е.

павысо́ўвацца, 1 і 2 ас. адз. не ўжыв., -аецца; -аемся, -аецеся, -аюцца; зак.

Паказацца, высунуцца адкуль-н. — пра ўсіх, многіх або ўсё, многае.

З-пад шынялёў павысоўваліся галовы.

павысо́ўваць, -аю, -аеш, -ае; зак., што.

Высунуць, перамясціць на адкрытае месца ўсё, многае.

П. сталы на сярэдзіну хаты.

Дзеці павысоўвалі галовы з-пад стала.

павыстаўля́ць, -я́ю, -я́еш, -я́е; -я́ны; зак.

1. Выставіць што-н. устаўленае ў многіх месцах, усюды.

П. падвойныя рамы з вокнаў.

2. што. Падаўшы ўперад, высунуць, паставіць для агляду, карыстання ўсё, многае.

П. рукі.

П. экспанаты.

3. каго. Выгнаць адкуль-н. усіх, многіх.

П. свавольнікаў за дзверы.

павыстрыга́ць, -а́ю, -а́еш, -а́е; -а́ны; зак., што.

Выстрыгчы што-н. у многіх месцах, усюды.

П. валасы.

павысту́джваць, -аю, -аеш, -ае; -аны; зак., што.

Выстудзіць усё, многае.

П. пакоі.

павысу́шваць, -аю, -аеш, -ае; -аны; зак., што.

Высушыць усё, многае.

П. бялізну.

павысыла́ць, -а́ю, -а́еш, -а́е; -а́ны; зак., каго-што.

Выслаць адно за другім усё, многае або ўсіх, многіх.

П. пасылкі.

П. дазоры наперад.

павысыпа́цца¹, 1 і 2 ас. не ўжыв.; -а́ецца; зак.

Высыпацца адкуль-н. — пра ўсё, многае.

Павысыпалася зерне з каласоў.