Verbum

папакале́ць, -е́ю, -е́еш, -е́е; зак. (разм.).

Калець доўга, неаднаразова.

П. на холадзе.

папакасі́ць, -кашу́, -ко́сіш, -ко́сіць і папако́шваць, -аю, -аеш, -ае; зак., што і без дап. (разм.).

Пакасіць доўга, неаднаразова.

За апошнія гады папакасіў (папакошваў) розных траў.

папакра́сці, -а́ду, -а́дзеш, -а́дзе і папакрада́ць, -а́ю, -а́еш, -а́е і папакра́дваць, -дваю, -дваеш, -двае; зак., каго-што і чаго (разм.).

Красці многа, неаднаразова; пакрасці многа каго-, чаго-н.

Колькі ў той год папакралі (папакрадалі) коней!

папакруці́цца, -ручу́ся, -ру́цішся, -ру́ціцца і папакру́чвацца, -аюся, -аешся, -аецца; зак. (разм.).

Круціцца доўга, неаднаразова.

Прыйшлося нам тады п.

папаку́таваць, -тую, -туеш, -туе; -туй; зак.

Пакутаваць некаторы час.

Папакутаваў у палоне небарака.

папалаві́ць, -лаўлю́, -ло́віш, -ло́віць і папало́ўліваць, -аю, -аеш, -ае; зак., каго-што і чаго (разм.).

Лавіць доўга, неаднаразова; палавіць многа каго-, чаго-н.

П. рыбкі.

папала́зіць, -ла́жу, -ла́зіш, -ла́зіць і папала́жваць, -аю, -аеш, -ае; зак.

Лазіць доўга, неаднаразова.

П. па гарах.

папала́м, прысл.

На дзве роўныя часткі; з дзвюх роўных частак.

Падзяліць маёмасць п.

папалі́ць, -палю́, -па́ліш, -па́ліць; -па́лены; зак., што.

Спаліць усё або многае.

Хаты папалілі фашысцкія карнікі.

папало́хаць, -аю, -аеш, -ае; зак., каго (што).

Злёгку напалохаць, папужаць.