Verbum

наркабі́знес, -у, м.

Бізнес, які прыносіць даход ад гандлю наркотыкамі.

Барацьба з наркабізнесам.

нату́жлівы, -ая, -ае.

Які адбываецца або робіцца з натугай.

|| наз. нату́жлівасць, -і, ж.

неасла́бны, -ая, -ае.

Які пастаянна дзейнічае; безупынны.

Н. кантроль.

|| наз. неасла́бнасць, -і, ж.

невыкараня́льны, -ая, -ае.

Які не паддаецца выкараненню.

Невыкараняльныя недахопы.

|| наз. невыкараня́льнасць, -і, ж.

недарава́льны, -ая, -ае.

Які нельга дараваць, прабачыць.

Недаравальная легкадумнасць.

|| наз. недарава́льнасць, -і, ж.

ненаві́сны, -ая, -ае.

Які выклікае нянавісць, агіду.

Н. вораг.

|| наз. ненаві́снасць, -і, ж.

но́скі, -ая, -ае.

Які доўга носіцца, моцны.

Носкія боты.

|| наз. но́скасць, -і, ж.

пабатальённы, -ая, -ае.

Пра ваенны строй: які раздзяліўся на батальёны, батальёнамі.

Пабатальённае пастраенне.

пабуджа́льны, -ая, -ае (кніжн.).

Які выклікае жаданне, прымушае дзейнічаць.

Пабуджальныя прычыны.

Пабуджальныя сказы.

пагру́зачны, -ая, -ае.

Прызначаны для пагрузкі, які мае адносіны да пагрузкі.

Пагрузачныя работы.