Verbum

не́чага², у знач. безас. вык., з інф.

Не трэба, няма патрэбы, няма сэнсу.

Н. заўчасна пра гэта думаць.

нечака́ны, -ая, -ае.

Такі, якога не чакалі; непрадбачаны.

Н. прыезд.

|| наз. нечака́насць, -і, ж.

нечалаве́чны, -ая, -ае.

Пазбаўлены чалавечнасці; негуманны.

|| наз. нечалаве́чнасць, -і, ж.

нечалаве́чы, -ая, -ае.

1. Не ўласцівы чалавеку.

Н. крык.

2. Які перавышае чалавечыя магчымасці; празмерны.

Нечалавечыя намаганні.

3. Бесчалавечны.

Нечалавечыя пакуты.

нечапа́ны, -ая, -ае.

Такі, якога не чапалі, да якога не дакраналіся.

Нечапаная вячэра.

нечарго́вы, -ая, -ае.

Які адбываецца без чаргі, па-за вызначаным тэрмінам.

Н. адпачынак.

|| наз. нечарго́васць, -і, ж.

нечаса́ны¹ і нячэ́саны¹, -ая, -ае.

Якога не часалі, раскудлачаны.

Нечасаныя валасы.

нечаса́ны² і нячэ́саны², -ая, -ае.

Не апрацаваны часаннем.

Нечасаныя бярвёны.

нечленараздзе́льны, -ая, -ае.

Пазбаўлены членараздзельнасці; невыразны.

Нечленараздзельнае маўленне.

|| наз. нечленараздзе́льнасць, -і, ж.

нечува́ны, -ая, -ае.

Небывалы, надзвычайны.

Н. поспех.

|| наз. нечува́насць, -і, ж.