Verbum

неабжы́ты, -ая, -ае.

Такі, у якім яшчэ мала жылі; неасвоены для жылля.

Неабжытая кватэра.

|| наз. неабжы́тасць, -і, ж.

неабстраля́ны, -ая, -ае.

Які не быў у баях, не прывык да стральбы.

Неабстраляныя байцы.

неабся́жны, -ая, -ае.

Вялікі па працягласці, памерах; бязмежны.

Н. акіян.

|| наз. неабся́жнасць, -і, ж.

неабхо́днасць, -і, ж.

Патрэба ў кім-, чым-н.

Прадметы першай неабходнасці.

неабхо́дны, -ая, -ае.

1. Такі, без якога нельга абысціся; патрэбны.

Неабходныя рэчы.

Неабходныя інструменты.

2. Абавязковы, непазбежны.

Неабходныя меры.

неабчаса́ны, -ая, -ае.

1. Неапрацаваны часаннем².

Н. камень.

2. перан. Неадукаваны, некультурны, грубы (разм.).

неаглабалі́зм, -у, м.

Імкненне вялікай дзяржавы да сусветнага панавання.

Палітыка неаглабалізму.

|| прым. неаглабалі́сцкі, -ая, -ае.

Неаглабалісцкія імкненні.

неагля́дны, -ая, -ае.

Тое, што і неабсяжны.

Неаглядныя прасторы.

|| наз. неагля́днасць, -і, ж.

неадабра́льны, -ая, -ае.

Які выражае неадабрэнне.

Н. погляд.

|| наз. неадабра́льнасць, -і, ж.

неадабрэ́нне, -я, н.

Адмоўная ацэнка каго-, чаго-н.

Выказаць сваё н.