Verbum

натру́дзіць, -джу, -дзіш, -дзіць; -джаны; зак., што.

Працяглай або цяжкай працай стаміць, давесці да хваравітага стану.

Н. ногі.

Натруджаныя рукі.

|| незак. натру́джваць, -аю, -аеш, -ае.

натрусі́цца, 1 і 2 ас. не ўжыв., -ру́сіцца; зак. (разм.).

Насыпацца, высыпацца пры трасенні, вытрасанні.

Натрусілася мукі на стол.

натрусі́ць, -рушу́, -ру́сіш, -ру́сіць; -ру́шаны; зак., чаго (разм.).

Трасучы, вытрасаючы, насыпаць, высыпаць што-н.

Н. саломы.

|| незак. натру́шваць, -аю, -аеш, -ае.

на́трый, -ю, м.

Хімічны элемент, мяккі шчолачны метал серабрыста-белага колеру.

|| прым. на́трыевы, -ая, -ае.

Натрыевая салетра.

натрэнірава́цца гл. трэніраваць.

натрэнірава́ць гл. трэніраваць.

натрэ́сці, -расу́, -расе́ш, -расе́; -расём, -расяце́, -расу́ць; -ро́с, -рэ́сла і -расла́, -рэ́сла і -расло́; -расі́; -рэ́сены; зак.

1. чаго. Трасучы што-н., здабыць у нейкай колькасці.

Н. груш.

2. чаго. Растрэсці частку чаго-н., неакуратна перавозячы або пераносячы.

Н. сена на дарогу.

3. чаго. Пра кармы для жывёлы: трасучы, змяшаць.

4. безас., каго. Стаміць, намучыць трасянінай (разм.).

Натрэсла дзяцей за дарогу.

натрэ́сціся, -расу́ся, -расе́шся, -расе́цца; -расёмся, -расяце́ся, -расу́цца; -ро́сся, -рэ́слася і -расла́ся, -рэ́слася і -расло́ся; -расі́ся; зак. (разм.).

1. Патрэсціся доўга, многа.

Н. на калдобінах.

2. Падрыжаць доўга, многа.

Н. на марозе.

нату́га, -і, ДМ -ту́зе, ж. (разм.).

Празмернае напружанне сіл.

Чырванець ад натугі.

нату́жлівы, -ая, -ае.

Які адбываецца або робіцца з натугай.

|| наз. нату́жлівасць, -і, ж.