Verbum

пра́сла, -а, мн. -ы, -аў, н.

Частка агароджы ад слупа да слупа.

|| прым. пра́славы, -ая, -ае.

прасту́да, -ы, ДМ -дзе, ж.

Хвароба, выкліканая ахаладжэннем арганізма.

Пабойвацца прастуды.

|| прым. прасту́дны, -ая, -ае.

пруто́к, -тка́, мн. -ткі́, -тко́ў, м.

1. гл. прут.

2. Вязальная спіца.

|| прым. прутко́вы, -ая, -ае.

пры́іск, -а, мн. -і, -аў, м.

Месца распрацоўкі каштоўнага выкапня.

Залатыя прыіскі.

|| прым. пры́іскавы, -ая, -ае.

прэм’е́ра, -ы, мн. -ы, -м’е́р, ж.

Першы паказ спектакля, цыркавой праграмы, фільма.

|| прым. прэм’е́рны, -ая, -ае.

псіхапа́тыя, -і, ж. (спец.).

Паталагічны стан псіхічнай дзейнасці чалавека, звычайна спадчыннага паходжання.

|| прым. псіхапаты́чны, -ая, -ае.

псіхіятры́я, -і, ж.

Раздзел медыцыны, які займаецца псіхічнымі захворваннямі і іх лячэннем.

|| прым. псіхіятры́чны, -ая, -ае.

пся́рня, -і, мн. -і, -рань, ж.

Памяшканне для сабак (пераважна паляўнічых); сабакарня.

|| прым. пся́рны, -ая, -ае.

публіцы́стыка, -і, ДМ -тыцы, ж.

Літаратура па грамадска-палітычных пытаннях сучаснасці.

|| прым. публіцысты́чны, -ая, -ае.

пульверыза́тар, -а, мн. -ы, -аў, м.

Прыбор для распырсквання вадкасці дробнымі часцінкамі.

|| прым. пульверыза́тарны, -ая, -ае.