Verbum

каналіза́цыя, -і, ж.

Сістэма труб, падземных каналаў для выдалення нечыстот.

Гарадская к.

|| прым. каналізацы́йны, -ая, -ае.

лучні́к, -а́, мн. -і́, -о́ў, м.

Даўнейшае прыстасаванне для асвятлення хаты, у якое ўтыкалася запаленая лучына.

маслабо́йка, -і, ДМ -бо́йцы, мн. -і, -бо́ек, ж.

Прылада для збівання масла (у 1 знач.).

маты́ў¹, -ты́ву, мн. -ты́вы, -ты́ваў, м.

Прычына, падстава для якога-н. дзеяння.

Ён кіраваўся асабістымі матывамі.

мемарыя́льны, -ая, -ае.

Які служыць для ўвекавечання памяці якой-н. асобы або падзеі.

М. комплекс «Хатынь».

міліметро́ўка, -і, ДМ -ро́ўцы, ж. (разм.).

Папера для чарчэння з клеткамі, роўнымі аднаму квадратнаму міліметру.

мі́са, -ы, мн. -ы, міс, ж.

Пасудзіна для ежы, вялікая міска.

На абед паставілі місу клёцак.

мнагаме́сны, -ая, -ае.

3 вялікай колькасцю месцаў для пасажыраў, гледачоў і пад.

М. самалёт.

Мнагамесная зала.

мно́жыльны, -ая, -ае.

Які прызначаны для размнажэння, капіравання чаго-н. (рукапісаў, чарцяжоў і пад.).

М. апарат.

мускулату́ра, -ы, ж.

Мускулы, сукупнасць мускулаў у арганізме.

Гіра для развіцця мускулатуры.

|| прым. мускулату́рны, -ая, -ае.