Verbum

асні́к

1. Асінавы лес, зараснік асінніку (Жытк., Сал., Стол.).

2. Могілкі (Жытк.).

□ ур. Асня́к (паша) Стаўбц.

і́ўнік Зараснік ніцай вярбы, вербняку Salix viminalis L. (Слаўг.).

□ ур. Іўнік (сенажаць) каля в. Папоўка Слаўг.

хвошч

1. Зараснік хвашчу Equisetum балотнага, палявога, лугавога (БРС).

2. Прыбярэжнае месца ў балоце, возеры (Жытк.).

шалы́знік Зараснік ракіты Salix rubra, густы хмызняк, драбналессе з лазой (Слаўг.). Тое ж шаўлю́га, шаўлюжнік (Слаўг.).

малі́ннік Зараснік маліны Rubus idaeus L. (БРС). Тое ж малі́ны (Арш., Гродз., Жытк., Пол.), малі́на (Слаўг., Шчуч.).

то́пальнік Зараснік топалю Populus nigra L. (Лёзн.); таполевыя прысады (Слаўг., Уш.). Тое ж топалі (Слаўг.), топілі (Уш.).

багу́н Зараснік багуну на балоце (БРС). Тое ж ба́ганнік, багу́ннік, ба́ганнік, багульня́к (Слаўг.), ба́гун (Тал. Мядзв.), багольнік (Сал., Слаўг.).

е́лна Месца, якое густа парасло елкамі; яловы зараснік (Слаўг.). Тое ж е́льня (Слаўг.).

□ в. Елна Краснап., в. Ельня Шчуч.

чашчыня́ Густы зараснік, гушчар; непраходнае драбналессе, нетры (Слаўг.). Тое ж чашчоба, чашчэба (Слаўг.), чашчэжнік, чашчожнік (Сал.), чмура́ (Сен. Касп.).

ляшчэ́ўнік Зараснік ляшчыны, ляснога арэшніку (БРС). Тое ж ляшчы́на (БРС), ляшчы́ннік (БРС), ляскоўнік (Слаўг.).

□ вв. В. Ле́шчанка, М. Лешчанка Мсцісл.