Verbum

рунду́к, -а́, мн. -í -о́ў, м.

Металічны сундук у карабельным памяшканні.

|| прым. рунду́чны, -ая, -ае.

рыбаво́з, -а, мн. -ы, -аў, м.

Судна для перавозкі жывой рыбы.

|| прым. рыбаво́зны, -ая, -ае.

рыпс, -у, м.

Тоўстая, моцная тканіна палатнянага перапляцення ў дробны рубчык.

|| прым. ры́псавы, -ая, -ае.

рэаніма́тар, -а, мн. -ы, -аў, м.

Урач — спецыяліст па рэанімацыі.

|| прым. рэаніма́тарскі, -ая, -ае (разм.).

рэфра́ктар, -а, мн. -ы, -аў, м. (спец.).

Тэлескоп з лінзавым аб’ектывам.

|| прым. рэфра́ктарны, -ая, -ае.

сабакаво́дства, -а, н.

Развядзенне сабак і паляпшэнне іх пароды.

Службовае с.

|| прым. сабакаво́дчы, -ая, -ае.

са́йда, -ы, ДМ са́йдзе, ж.

Паўночная марская рыба сямейства трасковых.

|| прым. са́йдавы, -ая, -ае.

самазабо́йства, -а, н.

Наўмыснае пазбаўленне сябе жыцця; самагубства.

Скончыць жыццё самазабойствам.

|| прым. самазабо́йны, -ая, -ае.

сахо́р, -хара́, мн. -хары́, -харо́ў, м.

Жалезныя вілы для накідвання гною.

|| прым. сахо́рны, -ая, -ае.

сацстра́х, -у, м.

Скарачэнне: сацыяльнае страхаванне.

Органы сацстраху.

|| прым. сацстра́хаўскі, -ая, -ае (разм.).

Сацстрахаўская пуцёўка.