Verbum

застрэ́ліцца, -люся, -лішся, -ліцца; зак.

Забіць сябе з агнястрэльнай зброі.

збро́йнік, -а, мн. -і, -аў, м.

Спецыяліст па вырабе зброі.

джы́у-джы́цу, нескл., н.

Японскае нацыянальнае баявое мастацтва, сістэма самаабароны без зброі.

супрацьраке́тны, -ая, -ае.

Накіраваны супраць ракет, на абарону ад ракетнай зброі.

Супрацьракетная абарона.

застрэ́ліць, -лю, -ліш, -ліць; -лены; зак., каго (што).

Забіць з агнястрэльнай зброі.

З. ваўка.

баёк, байка́, мн. байкі́, байко́ў, м.

Дэталь механізма, машыны, зброі, якая перадае ўдарнае ўздзеянне.

супрацьхімі́чны, -ая, -ае.

Накіраваны супраць хімічнай зброі, прызначаны для абароны ад яе.

Супрацьхімічная абарона.

цэйхга́ўз, -а, мн. -ы, -аў, м. (уст.).

Ваенны склад зброі, абмундзіравання, харчоў.

|| прым. цэйхга́ўзны, -ая, -ае.