Verbum

кармава́я адзі́нка

т. 8, с. 76

уяўная адзінка

т. 16, с. 298

фразеалагічная адзінка

т. 16, с. 450

АСТРАНАМІ́ЧНАЯ АДЗІ́НКА (а.а,),

пазасістэмная адзінка даўжыні, роўная сярэдняй адлегласці ад Зямлі да Сонца. 1 а.а. = 149,6 млн. км. Карыстаюцца ў астраноміі для вымярэння адлегласцяў паміж целамі Сонечнай сістэмы і кампанентамі падвойных зорак.

т. 2, с. 50

ДВАЙКО́ВАЯ АДЗІ́НКА,

тое, што біт.

т. 6, с. 73

ГРАШО́ВАЯ АДЗІ́НКА,

устаноўлены заканадаўствам дзяржавы грашовы знак, які з’яўляецца элементам нац. грашовай сістэмы і прызначаны для сувымярэння і выяўлення цэн усіх тавараў, паслуг і да т.п. на ўнутр. рынку. У кожнай краіне мае сваю назву і пераважна падзяляецца на 100 частак (напр., 1 рубель = 100 капейкам).

т. 5, с. 418

А́ТАМНАЯ АДЗІ́НКА МА́СЫ (а.а.м.),

адзінка масы атамаў, малекул і элементарных часціц. Вызначаецца як ​¹/₁₂ масы атама ізатопа вугляроду ​¹²C. 1 а.а.м. = (1,66053±0,00031)·10​⁻²⁷ кг.

т. 2, с. 67

А́ТАМНАЯ АДЗІ́НКА ЭНЕ́РГІІ (а.а.э.),

пазасістэмная адзінка энергіі, роўная энергіі, што адпавядае адной атамнай адзінцы масы (а.а.м.); 1 а.а.э. = 1 а.а.м.·c​², дзе c — скорасць святла ў вакууме. 1 а.а.э. = 1,491451·10​⁻¹⁰ Дж = 931,5016 МэВ. Выкарыстоўваецца ў ядзернай фізіцы.

т. 2, с. 67

ЕЎРАПЕ́ЙСКАЯ ВАЛЮ́ТНАЯ АДЗІ́НКА (European Currency Unit; ЭКЮ). валютная адзінка, якая выкарыстоўваецца ў Еўрапейскай валютнай сістэме. Уведзена ў 1979. Суадносіны (парытэт) ЭКЮ з валютамі інш. краін вызначаюцца зыходзячы з таго, што ЭКЮ з’яўляецца прадстаўніком усяго «кошыка валют» краін, якія ўваходзяць у еўрап. валютную сістэму.

т. 6, с. 398